Puisi Pantun Madura

Puisi Pantun Madura

1.     Pantun Agama

Ngala’ lalang ka panglegur,

Nompa’ rata asamperanna,

Ta’ alanglang dika lebur,

Kor jhe’ loppa dha’ pangranna.

            Ka Beranom melle kaen,

            Ebundu’a baddha kesa,

            Maleng Ngenom Madat Maen,

            Laban Madon neko dusa.

2.     Pantun se-kaseyan

Pasar Bara’ pasar pakong,

Melle jamo copa’agi,

Mon ta’ endha’ enggi empon,

Ding tatemmon sapa’agi.

            Sattanangnga esassa’a,

            Esebbida toro’ lorong,

            Ce’ emanna se apesa’a,

            Kadhung abit se along polong.

3.     Pantun Baburugan

Ngala’ sere epepesa,

Esarenga gan sakone’,

Kaneserre oreng towa,

Se meyara kabit kene’,

            Ka jalau’ nyare bato,

            Etatta’a gabay tete,

            Bupa’ Babu’ guru rato,

            Kaula sadaja wajib bakte.

4.     Pantun Paleggiran/Loco

Ngombi’ tempo pao tabar,

Ngala’ mangko’ dhalem topples,

Embi’ lempo mon elombar,

Lamon roko’ daddi kelpes.

            Melle juko’ ka pasar Omben,

            Pamolena lebat Polres,

            Koceng tako’ tabageggen,

            Ngabas tekos nyongkel kerres.